Sazlayıcı (ing. debugger) — kompüter proqramlarının qaynaq kodlarında icra zamanı xətalarının aşkarlanması üçün nəzərdə tutulmuşdur. Bu alət hədəf proqramlarını xüsusi nöqtələrdə dayandırmağa, addım-addım icra etməyə və gedişatı izləməyə imkan verir. Hədəf proqramlarının icrası zamanı kompüter resurslarında baş verən dəyişikliklərin monitorinqini aparmaq, dəyişənlərin qiymətini müəyyən etmək və eləcə də dəyişdirmək mümkündür. Müasir IDE-lərin sazlayıcıları geniş funksional imkanlara sahibdir. Başqa yerdə və mühitdə yerləşən proqramları sazlamaq üçün əlavə olaraq uzaqdan sazlayıcını (ing. remote debuger) quraşdırmaq lazımdır.

Proqramçıların ən çox istifadə etdikləri müstəqil sazlayıcılar aşağıdakılardır:

• GNU Debugger (GDB);
• WinDbg;
• Valgrind;
• LLDB;
• Lightrun;
• Fusion Reactor;
• Nemiver;
• Delve;
• Xdebug;
• Bash Debugger.